Íþróttafélagið Dímon

Viðurkenningar til íþróttamanna, veittar á aðalfundi 12.2.2012:

Viðurkenningar fyrir Borðtennis  2011 

Fyrir góða ástundun og framfarir í borðtennis hlýtur

Jakob Þórir Hansen  viðurkenningu borðtennisdeildar Dímonar fyrir árið 2011  Jakob Þórir hefur verið duglegur að  taka  þátt í mótum og staðið sig einstaklega vel.    Til hamingju Jakob Þórir

Borðtenniskona Dímonar fyrir árið 2011 er Bergrún Linda Björgvinsdóttir.   Bergrún Linda er orðin ein af sterkustu borðtenniskonum á Íslandi.  Bergrún er í unglingalandsliðshópi og æfir einnig með A- landsliðshópi kvenna.  Bergrún hefur tekið þátt í flestum mótum á vegum borðtennissambands Íslands. Hún er þrefaldur Íslandsmeistari í sínum aldursflokki.  Til hamingju Bergrún Linda.

Glíma -    Viðurkenningar 2011

Frá glímudeild koma fyrst tvær verðlaunaveitingar en þær eru í stúlknaflokki 11-12 ára fyrir árið 2011 fyrir þær 

Belindu Birkisdóttur og Sif Jónsdóttur Báðar hafa þær verið mjög duglegar við æfingar og nánast ósigrandi í öllum þeim mótum sem þær hafa tekið þátt í.  Helstu mót sem þær hafa tekið þátt í eru Grunnskólamót HSK,  Héraðsmót HSK, Fjórðungsglíma HSK,  Grunnskólamót Íslands á Reyðarfyrði og Meistaramót Íslands 15 ára og yngri haldið á Hvolsvelli 29. okt. Sveitaglíma Íslands haldið á Hvolsvelli 29. okt.   Til hamingju  Belinda og Sif.

 Frá glímudeild kemur svo verðlaunaveiting í stúlknaflokki 13 – 14 ára   fyrir árið 2011.  Þau hlýtur  Kristín Lilja Sigurjónsdóttir.  Kristín hefur verið dugleg að taka þátt í glímumótum og staðið sig mjög vel.  Helstu mót eru Grunnskólamót HSK , Héraðsmót HSK,  og Meistaramót Íslands 15 ára og yngri haldið á Hvolsvelli 29. okt. Sveitaglíma Íslands haldið á Hvolsvelli 29. okt.   Til hamingju Kristín Lilja.

Frá glímudeild kemur því næst verðlaunaveiting fyrir efnilegasta glímumann Dímonar fyrir  árið 2011 en það er  Sindri Ingvarsson.  Hann hefur verið duglegur að æfa glímuna. Sindri varð Íslandsmeistari í sínum flokki á Meistaramóti Íslands sem haldið var á Hvolsvelli þann 29. okt. síðastliðinn Einnig var Sindri í sigursveit HSK á Sveitaglímu Íslands 29. okt. s.l.     Til hamingju Sindri Ingvarsson. 

Viðurkenningar fyrir Fimleika 2011

Selma Friðriksdóttir stundar fimleika af áhuga og dugnaði og hefur náð mjög góðum tökum á íþróttinni. Selma mætir mjög vel á æfingar og leggur mikinn metnað í þær.

Inga Rós Sveinsdóttir hefur náð góðum tökum á íþróttinni. Hún nætir vel og er áhuga og samviskusöm. Hún leggur sig fram við æfingarnar og hefur náð góðum árangri í íþróttinni.

Viðurkenningar fyrir Frjálsaríþróttir 2011

Íþróttamaður ársins 2011  í flokki 11-14 ára er Almar Óli Atlason

Almar Óli tók þátt í HSK  mótum, Meistaramóti Íslands 11-14 ára og mótum á vegur Dímonar, hann bætti sig mikið á árinu meðal annars um rúma sekundi í 60 metra hlaupi og hálfan meter í langstökki, hans besti árangur var 3,89 metrar í langstökki sem gefa 825 stig. Til hamingju Almar Óli.

Íþróttamaður ársins 2011 í flokki í flokki 15-22 ára er Ástþór Hermannssn  Ástþór keppti á ungmenna- og fullorðinsmótum HSK innan og utanhúss Meistaramótum Íslands innan og utanhúss og Unglingalandsmóti UMFÍ. Hann vann fjölda verðlauna og meðal annars til bronsverðlauna í stangarstökki á MÍ 15-22 ára innanhúss. Hans besti árangur var 5,48 metrar í langstökki og gefur það 760 stig. Til hamingju Ástþór.

Íþróttamaður ársins 2011 í flokki í flokki 15-22 ára er Guðmundur Helgi Eggertsson  Guðmundur keppti á keppti á ungmenna- og fullorðinsmótum HSK innan og utanhúss Meistaramótum Íslands og Bikarkeppni FRÍ innanhúss. Hans aðalgreinar eru spretthlaup og langstökk. Hans besti árangur var 25,51 sekúnda í 200 metra hlaupi sem gefa 860 stig. Til hamingju Guðmundur Helgi.

Íþróttamaður ársins  2011 í flokki í flokki 15-22 ára er Heiðrún Huld Jónsdóttir  Heiðrún keppti á keppti á ungmenna- og fullorðinsmótum HSK innan og utanhúss Meistaramótum Íslands innanhúss og Stórmóti ÍR. Hún er mikilvæg í stigasöfnum fyrir Dímon og stendur sig alltaf með prýði. Besti árangur hennar e 28,34 í 200 metra hlaupi sem gefa 835 stig. Til hamingju Heiðrún Huld.

Íþróttamaður ársins 2011 í flokki í flokki 15-22 ára er Theodóra Jóna Guðnadóttir   Theodóra keppti á ungmenna- og fullorðinsmótum HSK innan og utanhúss, Meistaramótum Íslands innan og utanhúss, Bikarkeppni FRÍ innan og utanhúss.  Hún er mjög mikilvæg fyrir Dímon sem og HSK í æfingum og keppnum. Helsta grein hennar er stangarstökk.  Til hamingju Teodóra Jóna.

Viðurkenningar fyrir Sund 2011

Salka María Magnúsdóttir mætir mjög vel á sundæfingar og er mjög áhuga og samviskusamur sundiðkandi. Salka tók þátt í tveimur mótum á árinu sem voru haldin á Selfossi. Hún stóð sig með miklum sóma og hefur náð miklum framförum á árinu.

Ásta Sól Helgadóttir hefur náð mjög góðum árangri á árinu. Hún tók þátt í fjórum mótum , þremur sundmótum á Selfossi og aldursflokkamóti HSK á Hvolsvelli. Hún varð HSK meistari í skriðsundi og fékk silfur verðlaun í bringu og baksundi í flokki 11 – 12 ára. Hún sinnir sundæfingum mjög vel og hefur mikinn áhuga og metnað.

Ástríður björk Sveinsdóttir hefur náð mjög góðri færni á flestum sundaðferðum, hún gefst aldrei upp við að ná markmiðum sínum. Ástríður mætir mjög vel á æfingar, er stundvís og virk og mjög áhugasöm. Hún tók þátt í þremur mótum á árinu og varð HSK meistari í skrið og bringusundi 10 ára og yngri.

Jakob Þórir Hansen mætir mjög vel á æfingar, er stundvís og virkni góð í tímum. Hann varð HSK meistari í bringu og skriðsundi 10 ára og yngri á aldursflokkamóti HSK. Hann tók einnig þátt í tveimur öðrum mótum og stóð sig mjög vel þar.