Aðalfundur 2021

Íþróttafélagið Dímon

Aðalfundur 2021

Aðalfundur Íþróttafélagsins Dímonar haldinn í Gunnarshólma 09.05.2021

1.  Formaður félagsins Arnheiður Einarsdóttir setti fundinn kl 11:20 og bauð fundargesti velkomna.

2.   Arnheiður stakk upp á sér sem fundarstjóra og Ingu Birnu Baldursdóttur sem fundarritara og var það samþykkt.

3.  Inga Birna ritari stjórnar las upp fundargerð síðasta aðalfundar.  Arnheiður spurði um einhverjar athugasemdir.  Spurt um framboð á íþróttagreinum félagsins, þar sem sú spurning kom upp á síðasta aðalfundi (2020) hvort framboð væri of mikið.  Voru allir fundargestir sammála því að það væri mikill kostur að hafa fjölbreytileika á íþróttagreinum svo iðkenndur geti prófað sig áfram og fundið sína íþróttagrein.  

Fundargerð síðasta aðalfundar samþykkt.

4.   Arnheiður formaður Dímonar las upp skýrslu stjórnar.  Arna lagði skýrsluna fram og gaf orðið laust fyrir athugasemdir.   

Engar athugasemdir bárust og var skýrsla stjórnar samþykkt.

5.  Christiane Bahner gjaldkeri dreifði afriti af reikningum félagsins til fundargesta og  las þá upp.

6.  Spurt um greiðslur til Sundsambands Íslands og Glímuráðs.  Svar að greitt er fyrir hvern skráðann iðkanda.  Spurt var hvort að hver deild fyrir sig  ætti að sjá um þennan kostnað en ekki stjórn félagsins.  Svar að stjórn ætlar að taka þá umræðu upp á stjórnarfundi og fara yfir með deildum félagsins.   Spurt um fjáröflun félagsins.  Svar að þeir fjármunir sem safnaðist fyrir félagið var fengið með dósasöfnun og söfnun og sölu á plasthólkum og pappakeflum undan rúlluplasti frá bændum sveitarfélagsins.  Spurt hvort hægt væri að fá meira frá Íslenskum getraunum.  Svar að hægt væri að setja upp númer félagsins í Björkina, svo fólk sem tippar geti vitað um númerið og haft þá val um að styrkja félagið í leiðinni.  Spurt um tækjarkaup félagsins.  Svar að keyptir voru körfuboltar og ringó hringir.

Reikningar samþykktir

7.  Fjárhagsáætlun Íþr.fél.Dímonar 2021

                                                                                  Tekjur                              Gjöld

Lottó HSK                                                                 900.000

Félagsgjöld                                                               350.000

Samstarfss. við Rangárþing Eystra                   4.200.000

Æfingagjöld                                                           2.600.000

Fjáröflun                                                                    250.000

Skattur til HSK                                                                                                     80.000

Greiðslur vegna sérsambanda                                                                        400.000

Kostnaður vegna aðalfunds                                                                             15.000

Mótakostnaður                                                                                                   30.000

Akstur á mót                                                                                                         80.000

Kostnaður vegna heimsíðu                                                                               50.000

Kostnaður vegna bókhaldsþjónustu                                                               180.000

Kostnaður vegna íþrótta utan deilda                                                              150.000

Laun og launatengd gjöld                                                                                  7.000.000

Ýmis útgjöld                                                                                                          300.000

 

                                                                                        8.300.000                   8.285.000

 

8.  Spurt um hvort að kostnaður við heimasíðu félagsins sé of hár.  Svar að inní þessari upphæð séu góðar varnir sem verja heimasíðuna fyrir netárásum og verja þar með að göng félagsins sem er inná heimasíðunni glatist.

Fjárhagsáætlun samþykkt.

9.  Viðurkenningar til iðkennda félagsins voru ekki veittar að þessu sinni vegna covid áhrifa.

10.  Kostningar

Arnheiður Einarsdóttir bauð sig aftur fram til formanns félagsins.  Inga Birna Baldursdóttir gaf ekki kost á sér aftur sem ritari félagsins og kom í hennar stað Esther Sigurpálsdóttir.   Anna Runólfsdóttir fór úr varastjórn og í hennar stað kom Sigurður Kristján Jensson

Stjórn Dímonar eftir aðalfund

Formaður :  Arnheiður Dögg Einarsdóttir  Guðnastöðum

Gjaldkeri:  Christiane Bahner   Vestri-Garðsauka

Ritari:  Esther Sigurpálsdóttir  Krossi

Meðstjórn:  Oddný Steina Valsdóttir  Butra

Meðstjórn:  Ólafur Elí Magnússon  Króktún 9

Til vara:  Magnús Ragnarsson  Gilsbakki 31

Til vara:  Sigurður Kristján Jensson  Öldugerði 11

Til vara:  Elísabet Lind  Ingólfsdóttir  Hvolstúni 32b

Tillaga samþykkt

11.  Skoðunarmenn og varaskoðunarmenn

Skoðunarmenn :  Páll Eggertsson  Kirkjulæk

                                Ólafía B. Ásbjörnsdóttir  Gilsbakka 32

Varaskoðunarmenn:  Garðar Guðmundsson  Hólmi

                                       Sigurjón Sváfnisson  Njálsgerði 12

Tillaga samþykkt

12.  Hsk þingið hefur þegar farið fram, og var það haldið þann 29. apríl síðastliðinn og var það rafrænt að þessu sinni.  Fulltrúar Dímonar voru Sigurður Kristján Jensson, Ólafur Elí Magnússon og Arnheiður Einarsdóttir

13.  Rætt um aðferðir til innheimtu félagsgjalda sem eru 1500 kr og eru innheimt annað hvert ár.  Tillögur voru að innheimta félagsgjaldið um leið og æfingargjöld  og hafa sér merkt svo greiðendur viti að um félagsgjald sé að ræða.

Stjórn falið að ræða þetta frekar og finna góða leið til að innheimta.

14.  Önnur mál

Arnheiður biður Lilju Einarsdóttur sveitarstjóra velkomna á fundinn.

Lilja ávarpar fundinn og þakkar félaginu fyrir vel unnin störf og segir að það sé hagur sveitarfélagsins og allra íbúa þess að hafa gott og öflugt íþróttastarf.

Lilja og Arnheiður undirrita síðan samstarfssamning félagssins við Rangárþing-Eystra sem gerður er til tveggja ára að þessu sinni vegna ófyrirsjáanlega áhrifa covid 19

Myndir teknar í tilefni dagsins

Arnheiður bíður fundargesti að fá sér súpu og brauð í boði félagsins.

15.  Fundi slitið 12:30

Mættu 8 manns á fundinn

 

Dagsetning: 
Fimmtudagur, febrúar 17, 2022